Zoa e Azor

Hoxe atopei este libro de An Alfaya que está dedicado a toda a comunidade educativa.

Un grupo de teatro chega ao pobo de Silvano. O rapaz axúdaos durante a semana de representación á vez que descobre a súa fascinación por esta actividade e a súa sensibilidade cara á poesía. Unha das súas tarefas é coidar os cabalos da compañía, Zoa e Azor. Non obstante, Tomás, que envexa ao seu primo Silvano, provocará unha desgracia: deixa aberta a gaiola onde están os cabalos e son atropelados por un coche. Zoa queda malferida e Azor morre. Silvano carga coas culpas, aínda que ao cabo do tempo a situación se aclara.

Necesito que me poñades máis cousas (en comentarios) sobre An Alfaya (de tartaruga a mozo/a).............veña, investigade un pouquiño.....gústanme moitísimo os comentarios.

An Alfaya

An Alfaya, escritora moi vinculada ao noso centro, estudou na Escola de Formación do Profesorado de Vigo e Criminoloxía e detective privado na Universidade Complutense de Madrid.

Moi ligada ao teatro, participou na fundación do Teatro Avento de Vigo. A súa obra literaria diríxese especificamente ao lectorado infantil-xuvenil .

As súas obras para rapaces son: (preme na portada do libro para ver o contido do libro

Outras obras: "A RECORTADA", " A SOMBRA DESCALZA" "ILLA SOIDADE" "BUGUINA NAMORADA" "O SON DAS BUGUINAS" "AREAQUENTE" "MATEI UN HOME" .............

Coñecendo a An Alfaya:
«Recurro a Aute cuando estoy bien y cuando estoy mal»

"Visitando un colexio"

"Aventura emocional de An Alfaya"

"An Alfaya, Escritora: ´Non deixa de ser sorprendente que se premie un texto en galego´

Visita ao CEIP Ponte Sampaio

Se coñecedes máis cousas de An Alfaya poñelas nos comentarios (gracias)

De que escritora estamos a falar?

Sabedes que escritora está moi vinculada ao colexio, asinounos algún libro seu, está moi relacionada co teatro e ademais é mestra, criminóloga e detective privado......

Máis pistas: Premio Merlín 1997, accesit do Premio Novela por entregas La Voz de Galicia 2003, finalista do Premio Ala Delta e premio Frei Martín Sarmiento, Premio Lazarillo de Literatura Xuvenil 2005, Premio Xosé Neira Vilas 2006 ao mellor libro infantil e xuvenil, Premio White Ravens 2007 e Lista de Honra IBBY 2008, Premio Fundación Caixa Galicia de literatura xuvenil 2007.

Un dos libros adicados aos rapaces e rapazas do colexio fala de Crispín que sempre foi un namorado da fotografía, quixo ser retratista de profesión. Crispín semella un vello furón, axexando a súa veciña, Eleanora, por enriba do balcón coa súa cámara fotográfica, poñendo en perigo a súa vida, esquecendo que xa non é ningún rapaz, senón un xubilado na costa dos setenta. Dende hai uns meses Crispín leva cabilado dabondo na identidade de Gloria;. primeiro pensaba que se trataba da neta de Eleanora, polo xeito de falar con ela, pero axiña muda de opinión e ocorréuselle pensar que se refería a unha mascota. ¿Quen será Gloria en realidade?

Outro dos libros que temos na biblioteca desta escritora fálanos do sireno da Porta do Sol que desperta emocións intensas e contradictorias no interior dun neno que acaba de perder ao seu pai nun accidente.

Como imaxino que xa sabedes quen é invítovos a que escribades o seu nome nos comentarios.