Os peques visitan a cova

Os nenos e nenas de infantil visitaron a cova e e atopáronlla toda revolta, pero.....como xa hai moitos libros que están catalogados, levaron unha chea para as súas clases.
Espero que disfruten

Centro de artesanía tradicional de Vigo

Hoxe houbo alboroto no salón de actos; non pararon de pasar clases durante toda a mañá.

Achegueime a ver se me decataba do que pasaba e alí estaban, dúas mozas explicando e facendo cestos, actividade artesanal, que tivo na nosa cidade moita relevancia, reflectida no nome da rúa Cesteiros do Casco Vello, un dos centros de produción de cestería máis importantes de Galicia, con oito obradoiros abertos ata mediados dos anos setenta do século pasado no que traballaban ao redor de vinte cesteiros.

Esta actividade chámase "Artesanía na Escola"´e está organizada polo CAT (Centro de Artesanía Tradicional de Vigo).

Aprendín moito con esta actividade e case que me atrevo facer un cesto, mellor o deixo e dedícome á miña biblioteca, como dicía un amigo meu "zapateiro aos teus zapatos".

Déixovos unhas fotos e un pequeno vídeo da actividade

Un saúdo. Don Sapoconcho