Semana da prensa.

Co motivo da semana da prensa, este mércores visitounos o periodista Rubén Valverde! Ensinounos como se traballa nunha redacción dun xornal, nun estudo de radio e nun plató de televisión, así como a elaboración dunha nova, en que consiste unha entrevista e o respecto das quendas nos debates. O que máis nos gustou foi saber o emocionante que pode ser traballar de periodista deportivo e narrar un partido. Tamén nos chamou moito a atención o perigoso que pode ser traballar de corresponsal. En definitiva, foi divertidísimo! Convidámoste a voltar cando queiras!