NOVO BLOGUE DA BIBLIOTECA

RODARIRODARI

Rodarirrodari é un espectáculo ofertado polo Servizo de Normalización Lingüística do Concello. Consiste nunha narración oral, con acompañamento musical, no que empregamos o conto tradicional, a tradición dos contos de Gianni Rodari, e os monicreques para, partindo da domesticación dun animal como o burro, chegar ao uso ou abuso das novas tecnoloxías. Os nenos e nenas de Infantil quedaron encantados!

Contos do medio: as abellas.

O alumnado de Infantil de 4 e 5 anos aprendeu moito das abellas con este obradoiro de Dinamización Lingüística tan entretido.

A nena o grilo

A nena e o  grilo nun barquiño visitou o noso cole para celebrar as Letras Galegas por todo o alto. Con este mural feito entre todos démoslles a benvida e como xa coñecíamos as súas cancións non paramos de cantar de principio a fin. Todo un luxo ter a estes grandísimos artistas no noso centro con este espectáculo tan divertido.

MAIOS 2015

Un ano máis celebramos os Maios no cole. Grazas á ANPA e ás familias, todos xuntos bailamos a canción "Todos somos capitáns" ao redor do noso Maio.

6º de EP

5º de EP

4º de EP

3º de EP

2º de EP

1º de EP

5 ANOS

4 ANOS

3 ANOS

OS AUTORES DO NOSO BOB ESPONXA

GRAZAS

REVISTA

A nosa revista do curso 2014/15 xa está nas casas do noso alumnado. Para os demáis, aquí a tedes:

REVISTA 2015 

VISITA DO CIGARRÓN E OS MERDEIROS NO ENTROIDO

De novo, o Entroido máis tradicional visitou o cole. O Cigarrón de Verín e os Merdeiros da nosa cidade animáronnos as festas.

POLO CORREO DO VENTO: O ESQUÍO RAMPANTE.

Hoxe os nenos de 1º convertíronse en ilustradores das aventuras dun esquío moi especial da man de Enrique Mauricio e Carlos Taboada. Non é a primeira vez que recibimos a súa visita e, coma sempre, quedamos encantados.

PARA CANTAR E BAILAR, actividade do Servizo de Normalización Lingüística.

SON SAN

Os nenos de Infantil asistiron a unha representación de monicreques sobre alimentación sá, ofertada polo Servizo de Normalización Lingüística do Concello. Foi moi educativa, pero sobre todo moi divertida.

Biblioteca dixital de GERÓNIMO STILTON

Atención nenos e nenas,

Inauguramos a nosa biblioteca dixital cun dos vosos personaxes preferidos: Gerónimo Stilton. Para poder ler os libros só tendes que premer sobre a portada. Esperamos que vos gusten!!

EXPOSICIÓN: "Vivimos nun universo matemático"

Basándonos no lema elixido pola Asesoría de Bibliotecas para este curso 2014/2015, Biblioteca escolar... matemático!!!, preparamos unha exposición no centro baixo o título "Vivimos nun universo matemático".

Así mesmo, elaboramos unha guía cos diferentes materiais que mercamos para que os nenos/as poidan afondar máis no incrible mundo das matemáticas.

FESTIVAL DE INVERNO

O Festival de Inverno foi todo un éxito. Se volo perdestes ou queredes volver velo, aquí tedes os vídeos:

Boneco rock- 3 e 4 anos.

Solamente tú- 2º de EP

El camello cojito- 5 anos

Los reyes en camión-Infantil

1º ciclo de EP

Laura

Alborada de Rosalía de Castro- 2º ciclo de EP

5º de EP

6º de EP

Nace "Criaturas" unha revista dixital especializada en literatura infantil e xuvenil

A comezos deste mes de decembro presentouse no Culturgal a revista dixital especializada en literatura infantil e xuvenil ‘Criaturas’.

‘Criaturas’ é unha publicación dedicada á LIX que abranguerá “distintos eidos da literatura infantil e xuvenil galega (crítica, ilustración, tradución…), detendo tamén a atención nas novidades editoriais e facendo un traballo a prol da visibilización de autoras/es e ilustradoras/es. Aínda que a lix galega será o eixo central, abordaranse tamén outras literaturas que se irán incorporando ás seccións da revista número a número, para así achegar ao lectorado unha panorámica xeral da literatura infantil e xuvenil”, explica o grupo promotor desta iniciativa.

O número 0 está moi interesante e esperamos que vos guste. Xa temos o enlace á publicación na columna da esquerda do blogue. 

Recomendacións de lectura para este Nadal

Xa están aqui as recomendación lectoras para este Nadal. Esperamos que tomedes boa nota e que vos gusten moito.

Felices festas!

BOSQUES QUE FALAN.

A Concellería de NL, a través do Servizo de Normalización Lingüística do Concello de Vigo, tróuxonos esta actividade que pretendeu achegar ás rapazas e rapaces ao coñecemento dos ecosistemas máis característicos da nosa contorna. Pero a un coñecemento non restrinxido á súa dimensión natural, senón tamén cultural, que pasa, indubidablemente, por descubrir os nomes das árbores, animais ou fungos que os conforman.

A actividade consistiu na creación plástica, a través de materiais de uso escolar habitual como pinturas, ceras, plastilina, etc., en combinación con elementos naturais (fundamentalmente follas), dun bosque atlántico típico galego. Un bosque no que cada un dos seus elementos aparecerá identificado co nome común que lle corresponde na nosa zona. Para isto, comezamos a actividade cunha breve presentación de diapositivas que serviron para introducir ás rapazas e rapaces no léxico relacionado cos ecosistemas terrestres autóctonos máis próximos.

 

Ríos que falan

A actividade consistiu na creación plástica dun río típico galego empregando materiais como plastilina, pinturas, cartolinas, etc. en combinación con elementos naturais (terra, follas; segundo a época). Sobre a maqueta colocaronse os nomes de todos os elementos integrantes do ecosistema fluvial e as construcións humanas con el relacionadas.

O obxectivo da actividade era dar a coñecer o léxico que intervén nos ríos galegos, tanto na súa vertente natural como cultural. Para isto, comezamos cunha pequena presentación sobre os ecosistemas fluviais, a flora e fauna que os integran e os aproveitamentos humanos máis típicos que deles se ten feito na nosa contorna.

Antes de finalizar o obradoiro propusose ao alumnado pescudar o nome ou nomes do curso de auga máis importante do seu barrio (introducindo deste xeito o concepto de hidrónimo) e algunha lenda ou historia con el relacionadas.